சுகுணா பாலிடெக்னிக் கல்லூரியில், பள்ளி மாணவர்களுக்கான ‘சுகுணா பிரீமியர் லீக் சீசன் 9’ கிரிக்கெட் போட்டிகள் புதன்கிழை தொடங்கியது. வரும் 7ம் தேதி வரை போட்டிகள் நடைபெற உள்ளது.
போட்டியில் கோவை மற்றும் சுற்றுவட்டாரப் பகுதிகளைச் சேர்ந்த 16-க்கும் மேற்பட்ட பள்ளிகள் பங்கேற்றன. 19 வயதுக்குட்பட்ட மாணவர்கள் தங்களது கிரிக்கெட் திறமைகளை வெளிப்படுத்தி வருகின்றனர்.
நிகழ்வில் சுகுணா தொழில் மற்றும் கல்வி நிறுவனங்களின் தலைவர் லக்ஷ்மிநாராயணசாமி, தாளாளர் சுகுணா லக்ஷ்மிநாராயணசாமி, இயக்குநர் சாந்தினி அனீஸ் குமார், கல்லூரி முதல்வர் கோவிந்தராஜாலு மற்றும் டீன் ரம்யா சந்தோஷ் ஆகியோர் கலந்து கொண்டனர்.
சிறப்பு விருந்தினராக டி.என்.பி.எல் வீரரும் திண்டுக்கல் டிராகன்ஸ் அணியின் வீரருமான சேனாதிபதி கபிலீஸ்வரன் கலந்து கொண்டார். இதனுடன், சுகுணா பாலிடெக்னிக் கல்லூரி மாணவர்களிடையே நடைபெறும் நான்கு ஹவுஸ் கிரிக்கெட் போட்டிகளும் நடைபெற்று வருகின்றன.
