கோவை, ராயல் கேர் மருத்துவமனையின் விரிவாக்கத்தின் ஒரு பகுதியாக, மேட்டுப்பாளையத்தில் ‘ராயல் கேர் கே.பி.எஸ் மருத்துவமனை’ திறப்பு விழா நடைபெற்றது. அதிநவீன வசதிகளுடன் கூடிய கேத் லேப், வெளிநோயாளி மற்றும் உள்நோயாளி பிரிவுகளுடன் இந்த மருத்துவமனை செயல்படும்.
திறப்பு விழாவில் மேட்டுப்பாளையம் சட்டமன்ற உறுப்பினர் சுனில் ஆனந்த் சிறப்பு விருந்தினராக கலந்து கொண்டு திறந்து வைத்தார்.
ராயல் கேர் சூப்பர் ஸ்பெஷாலிட்டி மருத்துவமனையின் தலைவர் மற்றும் நிர்வாக இயக்குநரும், நியூரோ & ஸ்பைன் அறுவை சிகிச்சை நிபுணருமான டாக்டர் கே. மதேஸ்வரன் முன்னிலையில் திறப்பு விழா நடைபெற்றது. விழாவில் ராயல் கேர் மருத்துவமனையின் எக்ஸிக்யூடிவ் டைரக்டர் ரவிக்குமார் வாழ்த்துரை வழங்கினார்.
டாக்டர் மாதேஸ்வரன் கூறுகையில்: மேட்டுப்பாளையம் பகுதியில் கேத் லேப் வசதியுடன் கூடிய முதல் மருத்துவமனை இதுவாகும். இதன் மூலம் அவசர இதய சிகிச்சை தேவைப்படும் நோயாளிகள் கோவை வரை செல்ல வேண்டிய அவசியம் தவிர்க்கப்பட்டு, உள்ளூரிலேயே சர்வதேச அளவிலான சிகிச்சைகளைப் பெற முடியும் என்றார்.
