பிரபல உணவகமான ஸ்ரீ அன்னபூர்ணாவின் தீபாவளி இனிப்பு திருவிழாவான, ‘தீபாவளி ஸ்வீட் மேளா’ செவ்வாய்கிழமை கோலாகலமாக துவங்கியது.
நவம்பர் 3 முதல் 7ம் தேதி வரை ஐந்து நாள் நடக்கும் இந்த ஸ்வீட் மேளா ஸ்ரீ அன்னபூர்ணாவின் கணபதி, அவிநாசி தேசிய நெடுஞ்சாலை, அவிநாசி சாலை, ஆர்.எஸ்.புரம், மேட்டுப்பாளையம் சாலை, காந்திபுரம் மத்திய பேருந்து நிலையம், துடியலூர் மற்றும் பீப்பிள்ஸ் பார்க் கிளைகளில் நடைபெறுகிறது.
ஸ்ரீ அன்னபூர்ணாவின் ஆர்.எஸ்.புரம் கிளையில் நடைபெறும் ஸ்வீட் மேளாவை இந்நிறுவனத்தின் நிர்வாக இயக்குனர் சீனிவாசன் துவக்கி வைத்தார்.
சந்திரா குழுமங்களின் நிர்வாக இயக்குனர், நந்தினி ரங்கசாமி சிறப்பு விருந்தினராக கலந்து கொண்டு, நிர்வாக இயக்குனர் சீனிவாசன் அவர்களிடமிருந்து முதல் விற்பனையை பெற்றுக்கொண்டார்.
துவக்க நிகழ்வில் ஸ்ரீ அன்னபூர்ணாவின் கிளஸ்ட்டர் மேனேஜர் ராஜேஷ், அன்னபூர்ணா ஆர்.எஸ்.புரம் கிளை மேலாளர் மீனாட்சி, கிளை ஊழியர்கள் மற்றும் வாடிக்கையாளர்கள் கலந்து கொண்டனர்.
இந்த மேளாவில் பர்பி சாக்லேட், பர்பி கேசர், மலாய் பர்பி, மில்க் கோதா பர்பி, பர்பி மில்க், அன்ஜீர் மில்க் கேக், கீர் கதம் ஸ்பெஷல், கிவி பாதாம் காஜு டிலைட், சான்ட்விச் மில்க், ஸ்பேஷல் மில்க் கேக், திரிவேணி சக்ரா என 100க்கும் மேற்பட்ட சுத்தமான நெய் இனிப்புகள் விற்பனைக்கு வந்துள்ளன. மேலும் வித விதமான கார வகைகளும் தயார் செய்யப்பட்டுள்ளன.
தீபாவளி பண்டிகையின் மகிழ்ச்சியை நண்பர்கள், குடும்பத்தினருடன் பகிர்ந்து கொள்ள, ரூ.100 முதல் ரூ.1000 வரை சிறப்பு வவுச்சர்கள் ஸ்ரீ அன்னபூர்ணாவின் அனைத்து கிளைகளில் கிடைக்கும்.
