பண்ருட்டியில் இருந்து கோவை மார்க்கெட்டிற்கு பலாப்பழம் வரத்து அதிகரித்துள்ளது. இதனால் விலையும் குறைந்துள்ளதாக வியாபாரிகள் தெரிவித்தனர்.
கோவை பழ மார்க்கெட்டிற்கு கேரளா, கர்நாடகா, பண்ருட்டி மற்றும் கடலூர் பகுதிகளில் இருந்து பலாப்பழங்கள் விற்பனைக்காக கொண்டு வரப்படுகிறது. கடந்த ஆண்டை விட இந்த ஆண்டு பலாப்பழங்கள் வரத்து அதிகரித்துள்ளது.
கோவை மாவட்டத்திற்கு தினமும் 5 லாரிகளில் பலாப்பழம் வரத்து இருக்கும். ஆனால் கடந்த ஒரு வாரமாக வரத்து அதிகரித்துள்ளது.
குறிப்பாக, கேரளாவில் இருந்து வரும் பலாப்பழங்கள் ஒரு கிலோ ரூ.20 விலையிலும், பண்ரூட்டி பலாப்பழம் கிலோ ரூ.30க்கும் விற்பனையாகிறது. அந்த வகையில் 4 முதல் 15 கிலோ வரை இருக்கும் ஒரு பழம், ரூ.100 முதல் ரூ.450 வரை விற்பனையாகிறது. பலாப்பழங்கள் வாங்கி சாப்பிட பொதுமக்கள் ஆர்வம் காட்டுகின்றனர்.
