புதிய அரசியல் இயக்கத்தை தொடங்கி மாநிலம் முழுவதும் ஆதரவை திரட்டி வரும் தமிழக பாஜக முன்னாள் தலைவர் அண்ணாமலை கோவை விமான நிலையம் வந்தபோது அவரது ஆதரவாளர்கள் மற்றும் புதிய இயக்க நிர்வாகிகள் சார்பில் உற்சாக வரவேற்பு அளிக்கப்பட்டது.
சமீபத்தில் பாஜகவின் அனைத்து பொறுப்புகள் மற்றும் அடிப்படை உறுப்பினர் பதவிகளில் இருந்து விலகிய அண்ணாமலை, புதிய அரசியல் இயக்கத்தை தொடங்கியுள்ளார். இந்த இயக்கத்திற்கு மாநிலம் முழுவதும் பல்வேறு தரப்பினரிடமிருந்து ஆதரவு கிடைத்து வருவதாக கூறப்படுகிறது.
இந்த நிலையில், கோவையில் நடைபெறும் பல்வேறு நிகழ்ச்சிகளில் பங்கேற்பதற்காக அண்ணாமலை விமானம் மூலம் கோவை வந்தார். அவரின் வருகையை முன்னிட்டு விமான நிலைய வளாகத்தில் ஏராளமான ஆதரவாளர்கள், இளைஞர்கள் மற்றும் நிர்வாகிகள் திரண்டிருந்தனர்.
அண்ணாமலை விமான நிலையத்திலிருந்து வெளியே வந்ததும், அவருக்கு பொன்னாடை அணிவித்தும், மலர்க்கொத்துகள் வழங்கியும் ஆதரவாளர்கள் வரவேற்றனர். மேலும், புதிய இயக்கத்திற்கு ஆதரவு தெரிவிக்கும் வகையில் முழக்கங்கள் எழுப்பப்பட்டதால் விமான நிலைய பகுதி பரபரப்பாக காணப்பட்டது.
ஆதரவாளர்களின் வரவேற்பை ஏற்றுக்கொண்ட அண்ணாமலை, அனைவருக்கும் நன்றி தெரிவித்து கையசைத்து வாழ்த்து பெற்றார். பின்னர் அங்கிருந்து புறப்பட்ட அவர், கோவை மற்றும் சுற்றுவட்டார பகுதிகளில் நடைபெறும் நிகழ்ச்சிகளில் பங்கேற்க சென்றார்.
