பி.எஸ்.ஜி மருத்துவமனையின் 36ம் ஆண்டு மருத்துவமனை தின விழா, ஐ.எம்.எஸ்.ஆர் அரங்கத்தில் சனிக்கிழமை நடைபெற்றது. மருத்துவமனையின் இயக்குநர் புவனேஸ்வரன் வரவேற்புரை வழங்கினார். பி.எஸ்.ஜி அறக்கட்டளையின் தலைவர் ஜி.ஆர். கார்த்திகேயன் தலைமையுரை வழங்கினார்.
சிறப்பு விருந்தினர்களாக இ.என்.டி அறுவை சிகிச்சை நிபுணர் மூத்த ஆலோசகர் டாக்டர் ராமமூர்த்தி, மூத்த ஆலோசகர் டாக்டர் தங்கவேலு கலந்துகொண்டனர்.
நிகழ்வில், 36 பணியாளர்களுக்கு இந்த ஆண்டின் நட்சத்திர ஊழியர் விருதுகளை, அறக்கட்டளையின் நிர்வாக அறங்காவலர் கோபாலகிருஷ்ணன் வழங்கினார். மருத்துவ இயக்குநர் டாக்டர் கார்த்திகேயன், மருத்துவ புற்றுநோயியல் ஆலோசகர் டாக்டர் பரத்வாஜ், மருத்துவர்கள், ஊழியர்கள் பலர் கலந்துகொண்டனர்.
