கே.பி.ஆர் கலை அறிவியல் கல்லூரியில் ஆடை வடிவமைப்புத்துறை சார்பில், பாரம்பரிய ஆடை அலங்கார அணிவகுப்பு நடைபெற்றது.
ஃபாஸினோடிரஸஸ் பை ஷைன் நிறுவனத்தின் நிறுவனர் ஷைனி நித்யா, ஆடை அலங்கார நிபுணர் பூர்ணமாலா ஆகியோர் சிறப்பு விருந்தினர்களாகக் கலந்து கொண்டனர்.
ஆடைவடிவமைப்புத் துறையைச் சேர்ந்த மூன்றாம் ஆண்டு மாணவர்கள், இந்தியாவின் பல்வேறு மாநிலங்களின் பாரம்பரிய உடைகளை அணிந்து, அந்தந்த மாநிலங்களின் பண்பாடு மற்றும் மரபுகளைப் பிரதிபலிக்கும் வகையில் திறமையை வெளிப்படுத்தினர்.
சிறந்த முறையில் ஆடை வடிவமைத்த மாணவர்களுக்கு 10,000 மதிப்பிலான பரிசுப்பொருட்கள் வழங்கப்பட்டன. நிகழ்வில் கல்லூரியின் முதல்வர் கீதா, பேராசிரியர்கள், மாணவர்கள் கலந்து கொண்டனர்.
