இந்துஸ்தான் கல்விக் குழும நிறுவனத்தின் கட்டிடக்கலை கல்லூரியின் இரண்டாவது பட்டமளிப்பு விழா கல்லூரி வளாகத்தில் நடைபெற்றது .இந்நிகழ்வினை இந்துஸ்தான் கல்விக் குழுமங்களின் நிர்வாக அறங்காவலர் சரஸ்வதி கண்ணையன், கல்லூரியின் செயலர் பிரியா சதீஷ்பிரபு துவங்கி வைத்தனர்.
கல்லூரியின் ஆண்டறிக்கையை இந்துஸ்தான் ஸ்கூல் ஆப் ஆர்க்கிடெக்சர் இயக்குநர் சுரேஷ் பாஸ்கர் வாசித்தார். இந்நிகழ்வில் ஜெயக்குமார் அசோசியேட்ஸ் நிறுவனத்தின் நிறுவனர் ஆர்க்கிடெக்ட். ஜெயக்குமார் சிறப்பு விருந்தினராகப் பங்கேற்று மாணவர்களுக்குப் பட்டங்களை வழங்கி சிறப்பித்தார். புதிய தொழில்நுட்பத்துடன் பல கலை வடிவங்களையும் தமிழகத்திற்கு அறிமுகப்படுத்துவதோடு எளிமையும் புதுமையும் கலந்து புதியதொரு கட்டிட கலையை உருவாக்குவதில் தலை சிறந்தவர்களாக இக்கல்லூரியின் மாணவர்கள் உருவாக வேண்டும் என வாழ்த்துக்களையும் பகிர்ந்து கொண்டார்.
