ஸ்ரீராம் குழும நிறுவனங்களில் ஒரு அங்கமான ஸ்ரீராம் இலக்கியக் கழகம், தமிழகம் மற்றும் புதுவையில் உள்ள பள்ளி மற்றும் கல்லூரி மாணவர்களுக்காக அண்மையில் திருக்குறள் பேச்சுப் போட்டி நடத்தியது.
இதில், திருக்குறள் பேச்சுப் போட்டி இறுதிச் சுற்றில் பண்ணாரி அம்மன் தொழில்நுட்பக் கல்லூரி மாணவர் அஸ்வின் அண்ணாமலை கல்லூரிப் பிரிவில் இரண்டாம் பரிசை வென்று சாதனை படைத்துள்ளார்.
ஸ்ரீராம் இலக்கியக் கழகம், இடைநிலைப் பிரிவு (6-8 ஆம் வகுப்பு), மேல்நிலைப் பிரிவு (9-12 வகுப்பு), கல்லூரிப் பிரிவு என மூன்று பிரிவுகளில் திருக்குறள் பேச்சுப் போட்டியை 1988-ஆம் ஆண்டு முதல் ஆண்டுதோறும் மாநில அளவில் நடத்தி வருகிறது. இதில் நடப்பாண்டில் மொத்தம் 4,838 மாணவர்கள் கலந்து கொண்டனர்.
முதல் பரிசு தலா ரூ.10,000ம், இரண்டாம் பரிசு பெறுவோர்க்கு ரூ. 7,500ம், மூன்றாம் பரிசாக தலா ரூ. 5,000ம் மற்றும் அனைவருக்கும் கோப்பை, சான்றிதழ்கள் வழங்கப்பட்டன.
