கோவை அஜ்ஜனூர், பாரதிய வித்யா பவன் பப்ளிக் பள்ளியில் காந்தி ஜெயந்தி விழா கொண்டாடப்பட்டது. மாணவர்கள் மகாத்மா காந்தியின் உண்மை, அகிம்சை மற்றும் சுயசார்பு போன்ற காலத்தால் அழியாத கொள்கைகளை எடுத்துரைக்கும் வகையில் சொற்பொழிவாற்றினர்.
பள்ளியின் முதல்வர் வித்யாசங்கர், காந்தியடிகளின் உயரிய கருத்துக்களை மாணவர்கள் தங்களுடைய அன்றாட வாழ்க்கையில் பின்பற்றி ஒழுக வேண்டும் என்றும், நேர்மை, ஒழுக்கம் மற்றும் சமூக சேவை ஆகியவற்றின் முக்கியத்துவத்தையும் வலியுறுத்தினார். தொடர்ந்து, மகாத்மா காந்தியடிகளின் உருவப்படத்திற்கு மரியாதை செலுத்தப்பட்டது.
