தமிழக வெற்றிக் கழகத்தின் கோவை புறநகர் வடக்கு மாவட்டம், தொண்டாமுத்தூர் கிழக்கு ஒன்றியம், இக்கரை போளுவாம்பட்டி ஊராட்சி சார்பில், தீபாவளி பண்டிகையை முன்னிட்டு தூய்மைப் பணியாளர்களுக்கு இனிப்பு மற்றும் பட்டாசுகள் வழங்கப்பட்டன.

கழக நிர்வாகி செம்மேடு ரவிக்குமார் ரங்கராஜ் ஏற்பாட்டில், இக்கரை போளுவாம்பட்டி ஊராட்சி மன்ற அலுவலகத்தில் நடைபெற்ற இந்நிகழ்ச்சியில், தூய்மைப் பணியாளர்களுக்கு தீபாவளி இனிப்புகள் மற்றும் பட்டாசுகள் வழங்கப்பட்டன.

ஊராட்சியின் சுகாதாரத்தைப் பாதுகாப்பதில் தூய்மைப் பணியாளர்களின் பங்களிப்பைப் பாராட்டும் வகையிலும், அவர்களது குடும்பத்தினருடன் தீபாவளி பண்டிகையை மகிழ்ச்சியாகக் கொண்டாடும் நோக்கிலும் இந்த நலத்திட்ட உதவிகள் வழங்கப்பட்டதாக நிர்வாகிகள் தெரிவித்தனர்.

இந்நிகழ்ச்சியில், ஊராட்சி செயலாளர் நவீன்குமார், செம்மேடு ரவிக்குமார் ரங்கராஜ், பொருளாளர் செந்தில்குமார், கிளைச் செயலாளர் கலையரசன், மாவட்ட மகளிரணி நிர்வாகிகள் மோகனப்பிரியா, கவுசல்யா, செம்மேடு கதிர்வேல், விக்ரம், மூர்த்தி உள்ளிட்ட கட்சி நிர்வாகிகள் மற்றும் தொண்டர்கள் பங்கேற்றனர்.