கோவை அரசு மருத்துவக் கல்லூரி மருத்துவமனையில், ‘தாய் மாமன் தங்க மோதிரம்’ திட்டத்தின் கீழ் பிறந்த குழந்தைகளுக்குத் தங்க மோதிரங்களை கவுண்டம்பாளையம் எம்.எல்.ஏ கனிமொழி வழங்கினார்.
இந்நிகழ்வில், புதிதாகப் பிறந்த குழந்தைகளுக்குத் தங்க மோதிரங்களை வழங்கி, குழந்தைகள் ஆரோக்கியத்துடனும், மகிழ்ச்சியுடனும் வளர வாழ்த்துகளைத் தெரிவித்தார்.
குழந்தைகளின் பிறப்பைக் கொண்டாடும் வகையிலும், குடும்பங்களின் மகிழ்ச்சியை அதிகரிக்கும் வகையிலும் இத்தகைய திட்டங்கள் அமைகின்றன. இத்திட்டத்தைச் செயல்படுத்திய தமிழ்நாடு முதலமைச்சருக்கு நன்றியை தெரிவித்துக் கொண்டார். நிகழ்வின்போது, கோவை அரசு மருத்துவக் கல்லூரி மருத்துவமனை முதல்வர் (டீன்) டாக்டர் கீதாஞ்சலி உடனிருந்தார்.
