ரத்தினவாணி சமூதாய வானொலி 90.8, காட்சி தொடர்பியல் துறை & ஸ்மார்ட் இணைந்து நடத்திய காலநிலை மாற்றம் பற்றிய விழிப்புணர்வு கருத்தரங்கம் ரத்தினம் கலை மற்றும் அறிவியல் கல்லூரியில் நடைபெற்றது.
இதில் காலநிலை மாற்றத்தால் முன்வைக்கப்படும் அழுத்தமான சவால்களை எதிர்கொள்ளப் புதுமையான மற்றும் செயல்படக்கூடிய உத்திகளை ஆராய்வதற்காக பல்வேறு துறைகைளைசேர்ந்தவர்கள் , ஊடகவியலாளர்கள் மற்றும் நிபுணர்களின் குழுவை வைத்து ஒருங்கிணைக்கப்பட்டது.
இதில் ரத்தினவாணி சமூதாய வானொலி நிலைய இயக்குநர் முனைவர் ஜெ.மகேந்திரன் வரவேற்புரையாற்றினார், உதவி பேராசிரியர் ராஜூ நோக்கவுரையாற்றினார். காட்சி தொடர்பியல் துறைத் தலைவர் சதிஷ் ஆனந்தன் வாழ்த்துரை வழங்கினார்.
பயிலரங்கில் சிறப்பு விருந்தினராக கலந்து கொண்ட நுண்ணுயிரியில் துறை உதவிப் பேராசிரியர் டாக்டர் சீனிவாசன் சுற்றுச்சூழல் அமைப்புகள் மற்றும் மனித ஆரோக்கியத்தில் காலநிலை மாற்றத்தின் தொலைநோக்கு விளைவுகள் பற்றியும் , பல்லுயிர் மற்றும் பொது சுகாதாரத்தில் காலநிலை சீர்குலைவுகளின் தாக்கங்களைத் தணிக்க இடைநிலை அணுகுமுறைகளின் அவசரத் தேவையை எடுத்துரைத்தார்.
அமிர்தா வேளாண்மை கல்லூரி உதவிப் பேராசிரியர் சிவராஜ் சுற்றுச்சூழல் சீரழிவுக்கு தீர்வாக நிலையான விவசாய நடைமுறைகளில் கவனம் செலுத்துவைத்து பற்றியும், சுற்றுச்சூழலுக்கு உகந்த விவசாய உத்திகள் மற்றும் எதிர்கால சந்ததியினருக்காக இயற்கை வளங்களை பாதுகாப்பதில் அவற்றின் பங்கு பற்றிய நிஜ உலக எடுத்துக்காட்டுகளுடன் விளக்கினார்.
சிறப்பு ஆசிரியர் மற்றும் மன நல ஆலோசகர் அருணா முத்துக்குமார் பருவ நிலை மாற்றத்தால் மனதில் ஏற்படும் மாற்றங்கள் பற்றியும்,சுற்றுச்சூழல் உணர்வு மற்றும் பொறுப்புணர்வு கலாச்சாரத்தை வளர்ப்பதில் மாணவர்களின் பங்களிப்பு எவ்வாறு இருக்கவேண்டும் என்று வலியுறுத்தினார். சுற்றுச்சூழல் ஆர்வலர் மைதிலி ரவிச்சந்திரன் பருவ நிலை மாற்றத்தால் ஏற்படும் விளைவுகளைப் பற்றியும், அதை தடுப்பதற்கான வழிமுறைகளைப் பற்றியும் விளக்கினார்.
தமிழக நியூஸ் ஆசிரியர் ஜெயச்சந்திரன் சுற்றுச்சூழல் உணர்வு மற்றும் பொறுப்புணர்வு கலாச்சாரத்தை வளர்ப்பதில் மாணவர்களின் பங்களிப்பு பற்றியும் எடுத்துரைத்தார். பருவ நிலை மாற்றத்தினால் ஏற்படுத்தும் விளைவுகள் மற்றும் அதற்கான தீர்வுகள் பற்றிய சிறப்புக் காணொளி ஒளிபரப்பப்பட்டது.
இந்த கருத்தரங்கு, பருவநிலை மாற்றம் எதிர்கொள்வதில் இளைஞர்களின் பங்கு மற்றும் அதன் தீர்வுகளைப் பரிசீலிப்பதில் அத்தகைய உத்வேகம் அளித்தது.
