தமிழ்நாடு கூடைப்பந்து கழகம் சார்பில் மாநில அளவிலான ஜூனியர் மகளிர் கூடைப்பந்து போட்டிகள் திருச்சி மாவட்டம் கொங்கு கல்லூரியில் பிப்ரவரி 1 முதல் 5ஆம் தேதி வரை நடைபெற்றன. தமிழ்நாட்டின் 40 மாவட்டங்களைச் சேர்ந்த அணிகள் பங்கேற்று பலத்த போட்டியிட்டன.
இறுதிப்போட்டியில் கோவை மாவட்ட அணி, தூத்துக்குடி மாவட்ட அணியை 75-52 என்ற புள்ளிக்கணக்கில் வீழ்த்தி சாம்பியன் பட்டத்தை கைப்பற்றியது. இதன் மூலம் கோவை மாவட்ட வீராங்கனைகள் தொடர்ச்சியாக ஏழாவது முறையாக கோப்பையை வென்று புதிய சாதனை படைத்துள்ளனர். வெற்றி பெற்ற அணியினரையும் பயிற்சியாளர்களையும் கோவை மாவட்ட கூடைப்பந்து சங்க தலைவர் செல்வராஜ் மற்றும் செயலாளர் பாலாஜி ஆகியோர் பாராட்டி வாழ்த்தினர்.
