கொங்குநாடு கலை அறிவியல் கல்லூரியில் முன்னாள் மாணவர்கள் சந்திப்பு ஞாயிற்றுக்கிழமை நடைபெற்றது.
கல்லூரியின் செயலர் மற்றும் இயக்குநர் சி.ஏ. வாசுகி தலைமை தாங்கினார். முன்னாள் மாணவா் சங்கச் செயலர் வெங்கடாசலம், செயலா், முதல்வருக்கு வாழ்நாள் உறுப்பினா் அட்டையை வழங்கினார்.
சிறப்பு விருந்தினராக ரூட்ஸ் நிறுவனத்தின் இயக்குநரும், தன்னம்பிக்கை பேச்சாளருமான கவிதாசன் கலந்து கொண்டு பேசுகையில்: கல்லூரிக் காலங்கள் வசந்தமானவை. அங்கு ஏற்படும் நட்பு வாழ்வின் கடைசி வரை நிலைத்திருக்கும். ஒருவா் வாழ்வில் உயர்வதற்குக் கல்லூரி அனுபவங்களும் கற்ற பாடங்களும் உரம் சேர்க்கும் என்றார்.
நிகழ்வில் முன்னாள் பேராசிரியா்களுக்கு நினைவுப்பரிசு வழங்கப்பட்டது. கல்லூரி முதல்வர் சங்கீதா, துணை முதல்வர் நாகராஜா, முன்னாள் முதல்வா் சிவக்குமார், முன்னாள் பேராசிரியர்கள், முன்னாள் மாணவர்கள் பங்கேற்றனர்.
