குளோபல் டிசைன் திங்கிங் அலையன்ஸ் தலைவராக பணியாற்றும் ஜெர்மனியை சேர்ந்த பேராசிரியர் உலி வெய்ன்பெர்க் மூன்று நாள் பயணமாக எஸ்.என்.எஸ் கல்வி குழுமத்திற்கு வருகை புரிந்தார்.
இந்தப் பயணம், இந்தியாவில் டிசைன் திங்கிங் எனப்படும் வடிவமைப்பு சிந்தனை, மேம்படுத்தப்பட்ட கல்வியை ஊக்குவிக்கும் வகையில் எஸ்.என்.எஸ் நிறுவனத்தில் நடைபெற்றது. இதில் பொறியியல், கலை மற்றும் அறிவியல் கல்லூரி மாணவர்களால் உருவாக்கப்பட்ட ஏஜென்டிக் ஏஐ செய்முறை பயிற்சி திட்டங்கள் விளக்கப்பட்டது.
கல்லூரியின் மாதிரி வகுப்புகள், புதிய கற்பித்தல் முறைகள் ஆகியவற்றை கேட்டு அறிந்தார். தொழில் ஆர்வலர்களைச் சந்தித்து பேராசிரியர் உலி உரையாடினார். எஸ்.என்.எஸ் கல்வி குழும முதல்வர்கள், பல்வேறு பள்ளிகளின் முதல்வர்களுடன் சந்திப்பு நடைபெற்றது. எஸ்.என்.எஸ் நிறுவனங்களின் தலைவர் ராஜலட்சுமி, தொழில்நுட்ப இயக்குநர் நளின் பங்கேற்புடன் நிகழ்வு நடைபெற்றது.
