கே.எம்.சி.ஹெச் தனது கோவை ராம்நகர் சிட்டி சென்டர் மருத்துவமனையின் 33 வது ஆண்டு விழா, சீனியர் சிட்டிசன் ஹெல்த் கிளப்பின் 32வது ஆண்டு விழாவையும் கொண்டாடியது.
இந்த கிளப்பில் 60 முதல் 90 வயது வரை உள்ள 400 க்கும் அதிகமான உறுப்பினர்கள் உள்ளனர். இவர்கள் வருடம் ஒருமுறை ஆண்டு விழா சமயம் சந்தித்துக் கொள்வர். கேஎம்சிஹெச் மருத்துவமனையில் இவர்களுக்கு பிரத்தியேக உதவி மையம் செயல்படுகிறது.
இந்த கிளப்பில் உறுப்பினர்களாக உள்ளவர்களுக்கு மாதம் ஒரு முறை கே.எம்.சி.ஹெச் சிட்டி சென்டரில் மருத்துவ ஆலோசனை இலவசம். கேஎம்சிஹெச் பிரதான மருத்துவ மையத்தில் மருத்துவ சேவைகளை இவர்கள் சலுகை கட்டணத்தில் பெற்று பலன் பெறலாம். வருடத்திற்கு ஒருமுறை இலவசமாக இசிஜி செய்து கொள்ளலாம்.
ஆண்டு விழா நிகழ்ச்சிகளுக்கு கேஎம்சிஹெச் தலைவர் மற்றும் நிர்வாக இயக்குனர் டாக்டர் நல்ல ஜி பழனிசாமி தலைமை தாங்கினார். ரூட்ஸ் இண்டஸ்ட்ரீஸ் இந்தியா பிரைவேட் லிமிடெட் இயக்குனரும், சச்சிதானந்த ஜோதி நிகேதன் சர்வதேச பள்ளியின் செயலாளருமான கவிதாசன் முதன்மை விருந்தினராக கலந்து கொண்டார். கேஎம்சிஹெச் மருத்துவமனை பாலியேடிவ் கேர் ஆலோசகர் டாக்டர் ஹர்ஷாசிங் கிரிட்டிக்கல் லைஃப் கேர் என்ற தலைப்பில் உரை நிகழ்த்தினார்.
டாக்டர் நல்ல ஜி பழனிசாமி பேசுகையில்: மூத்த குடிமக்கள் தங்கள் உடல் நலனை நன்கு பேணி ஆரோக்கியமாக வைத்துக் கொள்ள உதவிட வேண்டும் என்ற நோக்கத்துடன் கேஎம்சிஹெச் ஹெல்த் கிளப் துவக்கப்பட்டது. அதற்காக அவர்களுக்கு உணவு, உடற்பயிற்சி முதலான ஆலோசனைகள் வழங்கப்படுகிறது. கேஎம்சிஹெச் மருத்துவமனை எடுக்கும் முன்முயற்சிகளுக்கு தொடர்ந்து ஆதரவு அளித்துவரும் மூத்த குடிமக்களுக்கு நன்றி.
