நவராத்திரியை முன்னிட்டு, மிருதங்க மா மேதை கணபதி ஐயர் நினைவு நவராத்திரி இசை விழா கோவை ஏரோட்ரோம் பூம்புகார் நகரில் 4 நாட்கள் நடைபெற்றது. நிகழ்ச்சிக்கு மூத்த சங்கீத வித்வானும், தமிழ்நாடு அரசு இசைக் கல்லூரி முன்னாள் முதல்வருமான கே. சிவராமகிருஷ்ணன் தலைமை வகித்தார்.
முதல் நாள் நிகழ்ச்சியில் ஆனந்த் (பாட்டு) , முரளி ரங்கராஜன் (பாட்டு) குழுவினரின் இசை நிகழ்ச்சி நடைபெற்றது. இரண்டாம் நாள் நிகழ்ச்சியில் செல்வி விஜயஸ்ரீ, ராஜா ரங்கநாதனின் இசைக் கச்சேரி நடைபெற்றது. மூன்றாம் நாள் முதல் நிகழ்ச்சியில் ஹரிஆதஷ் (பாட்டு) ஆனந்த் (வயலின்) , பத்மநாபன் (மிருதங்கம்) ஆகியோரின் இசைக் கச்சேரி நடைபெற்றது. மேலும், நகுல் கிருஷ்ணன்(பாட்டு), ஆனந்த் (வயலின்) ஜெயப்பிரகாஷ் (மிருதங்கம் ) ஆகியோரின் இசைக்கச்சேரி நடைபெற்றது. இதில் மிருதங்க மா மேதை சிஷ்யர்கள் கடம் வித்வான் மோகன்ராம்,கோவை பிரகாஷ், கோவை சுரேஷ், சுந்தரம், ஜெயபிரகாஷ், உள்ளிட்ட 30 க்கும் மேற்பட்ட இசைக் கலைஞர்கள் கலந்து கொண்டு அஞ்சலி செலுத்தினர்.
